Viðburðir

LÝSA

Dagsetning: 6. september
Tímasetning: 10:00
Staðsetning: Hof, Akureyri

LÝSA

Allir eru velkomnir á LÝSU – rokkhátíð samtalsins og engin aðgangseyrir er á hátíðina. Viljir þú standa fyrir viðburði eða uppákomu getur þú sent inn skráningu hér.

Dagskrá hátíðarinnar saman stendur af viðburðum sem hafa samfélagslega tengingu, eru opnir öllum og án aðgangseyris.

LÝSA er hátíð þar sem fólk á í samtali um samfélagið. Þar fara fram fjörugar umræður í bland við hressa tónlist og skemmtiatriði.

LÝSA býður öllum að koma og varpa ljósi á sín málefni.

Markmið
LÝSA vill efla samtalið um samfélagið og hvetja til uppbyggjandi skoðanaskipta milli almennings, félagasamtaka, atvinnulífs og stjórnmálafólks. Þannig aukum við skilning og traust í samfélaginu.

Aðstandendur
Aðstandendur LÝSU eru Almannaheill og framkvæmdaraðili er Menningarfélag Akureyrar. Hátíðin er sjálfstæð og ekki tengd neinum hagsmunaöflum á Íslandi eða annars staðar. Velferðarráðuneytið og Akureyrarbær styrkja hátíðina.

Aðdragandi
Lýsa er lýðræðishátíð að norrænni fyrirmynd en álíka hátíðir eru Almedalsveckan á Gotlandi í Svíþjóð, Folkemødet á Bornholm í Danmörku og Arendalsuka í Noregi, í þeim tilgangi að skapa samræðuvettvang á jafnréttisgrundvelli.