Vinnuréttarvefur

Tilhögun foreldraorlofs

Foreldrar eiga rétt á að taka foreldraorlof vegna hvers barns í einu lagi. Með samkomulagi við atvinnurekanda er starfsmanni heimilt að haga foreldraorlofstöku með öðrum hætti, t.d. þannig að orlofið skiptist niður á fleiri tímabil og/eða það verði tekið samhliða minnkuðu starfshlutfalli.

Foreldrar geta tekið foreldraorlofið saman eða sitt í hvoru lagi.  
Eigi starfsmaður fleiri börn lengist rétturinn til foreldraorlofs í samræmi við það. Þannig á foreldri þriggja barna innan átta ára aldurs 3 x 13 vikur í foreldraorlof, eða alls 39 vikur. 

Starfsmanni er þó óheimilt að taka lengra foreldraorlof en 13 vikur á hverju 12 mánaða tímabili, nema með sérstöku samþykki atvinnurekanda.