Vinnuréttarvefur

Foreldraorlof

Foreldrar eiga rétt á ólaunuðu 13 vikna leyfi frá störfum (foreldraorlofi) til þess að annast barn sitt. 

Rétturinn til foreldraorlofs stofnast við fæðingu, frumættleiðingu eða töku barns í varanlegt fóstur og kemur til viðbótar fæðingarorlofi. Foreldraorlofið er hægt að taka allt til átta ára aldurs barnsins. Réttur foreldra til töku foreldraorlofs gildir vegna barna sem fædd eru, ættleidd eða tekin í varanlegt fóstur 1. janúar 1998 eða síðar.

Í reynd er sameiginlegur réttur foreldra til orlofstöku vegna fæðingar- og foreldraorlofsins 15 mánuðir vegna barns, í stað 6 mánaða sem áður var. Af þeim tíma er með lögunum aðeins tryggður réttur til greiðslu úr Fæðingarorlofssjóði í 9 mánuði.