Hér er fjallað um málefni er varða samfélagið í heild, nýtt efni frá Hagdeild er aðgengilegt hér að neðan, annað efni má nálgast af valrönd til vinstri.

Nýtt frá Hagdeild ... 

Atvinnumál > Samantekt frá 15. janúar 2010

Skráð atvinnuleysi í desember var 8,2%. Atvinnuleysi meðal karla er 8,9% en meðal kvenna 7,3%. Atvinnuleysi er talsvert meira á höfuðborgarsvæðinu (8,8%) en landsbyggðinni (7,1%), mest er það þó á Suðurnesjum (13,6%). Þeim sem verið hafa atvinnulausir lengur en í eitt ár fjölgaði verulega í desember, eða úr 2.505 manns í 3.224 manns og eru því 21% allra atvinnulausra.
Lesa meira 

Efnahagsmál > Samantekt frá 22. október 2009

Sú mikla lægð sem gengur yfir íslenskt efnahagslíf nær botni sínum á fyrri hluta næsta árs og fyrir höndum er vinna við að reisa hagkerfið að nýju. Mikill samdráttur í landsframleiðslu leiðir til þess að landsmenn hafa minni verðmæti til skiptanna og tímabundið dregur úr lífskjörum. Þetta er meðal þess sem fram kemur í nýrri spá hagdeildar ASÍ um horfur í efnahagsmálum til ársins 2012.
Lesa meira 

Kaupmáttur > Samantekt frá 08. september 2009

Samkvæmt tölum sem Hagstofa Íslands birti í gær, jukust ráðstöfunartekjur á mann um ríflega 15% í fyrra sem jafngildir því að kaupmáttur ráðstöfunarteknanna hafi aukist um 2,4%. Þetta kemur nokkuð á óvart í ljósi þess að mikil verðbólga samhliða lægri tekjum heimilanna s.s. vegna styttri vinnutími, mikils atvinnuleysi og launalækkana undanfarna mánuði gefur tilefni til þess að ætla að verulega hafi dregið úr kaupmætti.
Lesa meira