Ný hagspá hagdeildar ASÍ gerir ráð fyrir að verstu afleiðingar hrunsins séu nú að baki og framundan sé hægur bati í efnahagslífinu. Áhyggjuefni er hins vegar að efnahagsbatinn framundan er svo veikur að við blasir doði í hagkerfinu þar sem okkur tekst hvorki að endurheimta fyrri lífskjör né vinna bug á atvinnuleysinu á komandi árum.
Lesa meira

Verðlag hækkaði um 0,63% í september og mælist ársverðbólga nú 5,7% að því er fram kemur í nýjum tölum frá Hagstofu Íslands um vísitölu neysluverðs. Hækkun verðlags milli ágúst- og septembermánaðar skýrist að mestu af verðhækkunum á fötum og skóm, húsbúnaði og dagvörum. Þetta er mesta verðbólga síðan í júní 2010.
Lesa meira

Allt bendir til þess að viðsnúningur sé að verða í íslensku efnahagslífi og hægur bati sé framundan næstu árin. Staðan á vinnumarkaði verður áfram erfið en mun lagast í takt við batnandi efnahagslíf. Í lok spátímans verður atvinnuleysið komið niður í 5,2%. Tímabundnar aðgerðir stjórnvalda styðja við heimilin og staða þeirra vænkast nokkuð en verður áfram þröng.
Lesa meira