Skráð atvinnuleysi í febrúar var 1% eða að meðaltali 1.631 manns. Þetta er svipað atvinnuleysi og í fyrra mánuði þegar það var einnig um 1% eða 1.545 manns. Miðað við sama mánuð í fyrra er hins vegar um minnkun að ræða en þá var atvinnuleysi 1,3% eða 2.037 manns.

Atvinnulausum fjölgaði örlítið meira á landsbyggðinni (48)en á höfuðborgarsvæðinu (38) og meira meðal kvenna (46) en karla (40). Líkt og undanfarna mánuði þá er atvinnuástandið einna verst á Suðurnesjum og Norðurlandi eystra. Á Suðurnesjum er atvinnuleysið 2,7% eða 282 manns.

Alls voru 626 erlendir starfsmenn skráðir inn á vinnumarkaðinn í febrúar eða 239 fleiri en í fyrra mánuði og 205 fleiri en í sama mánuði í fyrra. Af þeim sem bættust við nú koma 573 frá nýjum ríkjum evrópska efnahagssvæðisins og 53 utan þess.

Nánari greining

Tengdar fréttir
Tengd tölfræði