Forseti ASÍ hefur sent áskorun til samtaka launafólks, samtaka atvinnurekenda og stjórnmálaflokkana um að koma að borðinu til að ræða tillögur ASÍ í efnahags-, atvinnu- og félagsmálum.  Hugmyndin er að nota fyrirsjáanlega aukin umsvif í hagkerfinu í sumar sem stökkbretti inn í komandi vetur.  Til þess að þetta gangi upp þarf að grípa til umfangsmikilla aðgerða á allra næstu vikum.

Alþýðusambandið hefur sett fram hugmyndir um umfangsmikla aðgerðaáætlun til þess að koma hjólum atvinnulífsins í gang.  Lykilatriði þessarar áætlunar er stórátak í atvinnumálum með tilliti til framkvæmda og stóriðju, skilvirkar aðgerðir í greiðslu- og skuldavanda heimilanna, aukin virkni og þjónusta í vinnumarkaðsmálum, jöfnun lífeyrisréttinda, jöfnuð í afkomu ríkissjóðs, samfélagslega ábyrgð fyrirtækja og stjórnsýslu og aðgerðir í gengis-, vaxta- og peningamálum til að styrkja gengi krónunnar og lækka verðlag.

Aðgerðaráætlunina má lesa í heild sinni hér.

Bréf forseta ASÍ má lesa hér.