Kristinn Örn  Jóhannesson var í dag kjörinn nýr formaður VR. Rafrænni allsherjaratkvæðagreiðslu meðal félagsmanna VR um framboð til formanns, stjórnarmanna og lista til stjórnar og trúnaðarráðs lauk á hádegi í dag.  Sigur Kristins Arnar var nokkuð öruggur en hann hlaut 42% greiddra atkvæða.  Gunnar Páll Pálsson fráfarandi formaður hlaut fæst atkvæði frambjóðandanna þriggja.

Kristinn hlaut 2.651 atkvæði eða 41,9%, Lúðvík Lúðvíksson fékk 1.904 atkvæði eða 30% og Gunnar Páll Pálsson hlaut 1.774 atkvæði eða 28%. Auðir og ógildir seðlar voru 409.

Auk þess sem kosið var á milli frambjóðendanna þriggja til formanns VR, var kosið á milli sjö frambjóðenda í einstaklingskjöri til þriggja stjórnarsæta og tveggja lista með fjórum frambjóðendum til stjórnar og 82 einstaklingum til trúnaðarráðs.

Annars vegar er um að ræða A-lista trúnaðarráðs og trúnaðarmanna VR og hins vegar L-lista lýðræðis fyrir VR.

Atkvæði greiddu 6.738.  Á kjörskrá voru alls 25.137. Kosningaþátttaka var því 26,8%.

Úrslit eru sem hér segir:

Kosning um formann í einstaklingsbundinni kosningu

	Fjöldi atkvæða	% af greiddum atkvæðum
Kristinn Örn Jóhannesson	2651	41,9 %
Lúðvík Lúðvíksson	1904	30,1 %
Gunnar Páll Pálsson	1774	28,0 %
Tek ekki afstöðu	409

Kosning um þrjá stjórnarmenn í einstaklingsbundinni kosningu

	Fjöldi atkvæða	% af greiddum atkvæðum
Ragnar Þór Ingólfsson	2394	59,6 %
Óskar Kristjánsson	1774	44,2 %
Ágúst Guðbjartsson	1695	42,2 %
Hallur Eiríksson	1690	42,1 %
Jón Hrafn Guðjónsson	1633	40,7 %
Kristófer Jónsson	1484	37,0 %
Gunnar Böðvarsson	1372	34,2 %
Tek ekki afstöðu	2724

(Rétt er að geta þess að þegar niðurstaðan var kynnt framboðum/frambjóðendum var hlutfall atkvæða þeirra sem voru í einstaklingskjöri til stjórnar ranglega reiknað. Það breytti þó engu um niðurstöðuna.  Þessi mistök hafa verið lagfærð hér að framan.)

Kosning um lista með framboðum 4 stjórnarmanna og 82 í trúnaðarráð

	Fjöldi atkvæða		% af greiddum atkvæðum
L listi lýðræðis fyrir VR		3189	62,9 %
A listi trúnaðarráðs og trúnaðarm. VR		1879	37,1 %
Tek ekki afstöðu		1670

Samkvæmt framanskráðu og niðurstöðu sem varð á Nýársfundi trúnaðarráðs og trúnaðarmanna VR vegna kosningar varamanna í stjórn teljast eftirtalin vera réttkjörin skv. 20. gr. laga félagsins og hefst kjörtímabil þeirra á aðalfundi VR fyrir árið 2009 sem haldinn verður 2. apríl nk.

Formaður VR  - til tveggja ára

Kristinn Örn Jóhannesson

Fjórir stjórnarmenn samkvæmt listakosningu – til tveggja ára

Ásta Rut Jónasdóttir

Bergur Þór Steingrímsson

Guðrún Jóhanna Ólafsdóttir

Bjarki Steingrímsson

Þrír stjórnarmenn í einstaklingsbundinni kosningu – til tveggja ára

Ragnar Þór Ingólfsson

Óskar Kristjánsson

Ágúst Guðbjartsson

Þrír varamenn í stjórn VR – til eins árs

Hólmfríður Björg Petersen

Þorlákur Jóhannsson

Sigríður Stefánsdóttir