Í nýrri skýrslu Alþjóða vinnumálastofnunarinnar (ILO) kemur fram að 22 milljónir kvenna eigi á hættu að missa vinnuna á þessu ári í heiminum öllum vegna kreppunnar. Það voru dæmigerðar karlagreinar sem urðu fyrstar fyrir barðinu á efnahagssamdrættinum, greinar eins og fjármála- og byggingageirinn. Nú eru áhrif kreppunnar farin að seytla inn í þjónustu og verslun þar sem konur eru fjölmennar.  Í  skýrslu ILO kemur fram að vegna efnahagssamdráttarins muni 51 milljón starfa tapast í heiminum á þessu ári.