Mennt - samstarfsvettvangur atvinnulífs og skóla heldur félagsfund um Nýjan framhaldsskóla 3. maí næstkomandi kl. 15:00-17:00 í hátíðarsal Háskóla Íslands. Á fundinum verður gerð grein fyrir helstu niðurstöðum og áherslum í skýrslu starfsnámsnefndar um Nýjan framhaldsskóla og stöðu málsins. Þá munu fulltrúar aðila vinnumarkaðarins og menntastofnana sem eiga aðild að Mennt gera grein fyrir sínum viðhorfum og áherslum. Fulltrúar stjórnmálaflokkanna gera í lok fundarins grein fyrir viðhorfum flokkanna til þeirra meginsjónarmiða sem fram koma í tillögunum um "Nýjan framhaldsskóla" og með hvaða hætti þeir munu beita sér í því máli í eða utan næstu ríkisstjórnar.

Dagskrá

Setning
Grétar Þorsteinsson, forseti ASÍ

Nýr framhaldsskóli
Jón B. Stefánsson, formaður starfsnámsnefndar

Stutt innlegg og spurningar
Fulltrúar aðila vinnumarkaðarins, menntastofnanna og nemenda gera grein fyrir sínum viðhorfum og áherslum

Viðbrögð stjórnmálaflokka
Kjartan Eggertsson, Frjálslyndi flokkurinn
Kolbrún Halldórsdóttir, Vinstrihreyfingin grænt framboð
Kristrún Heimisdóttir, Samfylkingin
Margrét Sverrisdóttir, Íslandshreyfingin
Sigurður Kári Kristjánsson, Sjálfstæðisflokkurinn
Sæunn Stefánsdóttir, Framsóknarflokkurinn

Samantekt og ályktun Menntar
Ágúst H. Ingþórsson, forstöðumaður Rannsóknarþjónustu Háskóla Íslands

Fundarstjóri
Vilhjálmur Egilsson, framkvæmdastjóri Samtaka atvinnulífsins

Nánari upplýsingar og skráning á netfangið: mennt@mennt.is