Verðlagseftirlit ASÍ hefur sett á vefinn nýja reiknivél þar sem hægt er á einfaldan hátt að reikna út hvernig verð matvara á að breytast þegar virðisaukaskattur og vörugjöld lækka á morgun, þann 1. mars. Það þarf einungis að slá inn verð vörunnar í dálkinn fyrir 1.mars og reiknivélin gefur þá upplýsingar um hvernig vöruverðið á að breytast í samræmi við breytingar á lögum. Alþýðusambandið hvetur almenning til að fylgjast vel með breytingunum í sinni verslun og nota reiknivélina sem hjálpartæki til þess að átta sig á þeim verðbreytingum sem vænta má á mismunandi vöruflokkum.

Reiknivél